වසවර්ති මාරයා - Wasawarthi Maraya..

“උපන්නොත් යම් කෙනෙක් මෙලොවේ..

මරණයක් කොටා ඇත නලලේ..”

එහේ ම තිබුනේ පැරණි සිංදුවක.. 

සිංදුවේ තිබුනා වගේම

මේ ලොකේ උපන්නොත් කවදා හරි අපිව අරගෙන යන්න එන පුද්ග‍ලයෙක් ඉන්නවා... 

ඒ කවුද?

කවුරුවත් නෙවේ ඒ තමා අපි කවුරුත් කියන “මාරයා”...

අපි කැමැති වුනත් නැතත් දවසක මේ මාරයා  අනිවාර්ය යෙන් ම අපිව රැගෙන යනවා...ඒක එහේමයි

හැබැයි මේ “මාර” කියන එකනම් අපි ඕන එකකට යොදාගන්නවා..

මාර වැඩේ.. මාර සවුත්තුව, මාර අප්සට් එක.. මේ වගේ මාර වචන ගොඩාක් තියෙනවා..

අන්න ඒ හින්දම මේ පෝය දවසේ මටත් හිතුනා මාරයා ගැන පොඩ්ඩක් හොයලා බලන්න..

මාරයා වැනි අය වෙනත් ආගම් වලද සිටින බව පෙනේ..  සාතන් යන නමින් ක්‍රිස්තියානි ආගමේ දැක්වෙන්නේ එවැන්නෙකි.

පෝය 12 වැදගත් කම ගැන දැනගන්න මෙතනින් යන්න...

බෞද්ධාගමේ දැක්වෙන මාරයා ගැන මෙහි ලියා දක්වනු ලබයි.

මාරයා සමහර වෙලාවට පුද්ගලයකු ,නැතිනම් දෙවි කෙනෙකු නැතිනම් යක්ෂයකු ලෙස හදුන්වනු ලබයි. මාර දිව්‍ය පුත්‍ර රාජයා ලෙස සමහර අවස්ථාවන් හිදී නම් කරනුයේ දෙවි‍ කෙනෙකු ලෙස සලකන නිසායි.

මාරයාගේ වාසස්ථානය පරනිම්මිත වසවර්ති දිව්‍ය ලෝකයයි.

ඒ නිසා මාරයාට “වසවර්ති මාරයා” ලෙස ද හදුන්වයි. අහලා ‍තියෙනවා නේද සමහර වෙලාවට එක එක අයටත් මේ වචනය භාවිතා කරනවා ..

මාරයා සතු විශාල බල සේනාව දස මාර සේනාව ලෙස හදුන්වයි. අපි කවුරුත් දන්නා තණ්හා, රති, රඟා යන මාර දුවරූ තිදෙනාද අයත් වන්නේ මේ බල සේනාවටයි. ඊට අමතරව බල සේනා ලෙස කාමය,රාගය, බඩගින්න හා පිපාසය, බය, ඊර්ෂ්‍යාව ඉන් තවත් සමහරකි.

බුද්ධත්වය‍ට හෝ රහත් ඵලයට නොපැමිණිනි ඕනම අයකුට තනතුර,තරාතිරම නොබලා මාරයා කරදර කරනු ලබයි. මක්නිසාද සත්වයා දුකින් එතෙර ‍වීම වැලැක්වීම ඔහුගේ රාජකාරියයි.

බුදුන්වහන්සේ මාරයාගේ මෙම ක්‍රියාවට විරුද්ධ වෙමින් සසර මග නැති කර ගත්තේය..

එහෙත් බුදු බවට පත්වීම වැලැක්වීමට ඔහු නොකල දෙයක් නැත.. එදා මාරයා එසේ පැවසුයේ බුදු වීමෙන් ඔහුගේ බලය බිදී වැරදි වල සුල මුල හෙලිවන නිසායි.

බුද්ධ චරිතයේදී මාරයා ප්‍රථම වරට එක්වන්නේ සිදුහත් කුමාරය ගිහි ගෙය හැර දමා අභිනිෂ්ක්‍රමණය කිරීමත් සමඟයි. කන්ථක අසු පිට යන කුමාරයාට වාහල් දොරකඩදී “ කුමාරය.. තව දින 07 කින් ඔබ සක්විති රජ වන්නේය..එම නිසා රජකම කරව..!”එදින සිද්ධාර්ථ කුමාරයා “මට රජකමින් වැඩක් නැත.. ලොව්තුරා බුදුබවා ලබා මිස පසු නොබසිමියි..” පවසමින් මාරයා පලවා හැරි අතර ඔහුට අවස්ථාවක් එනතුරු සත්වසක් පුරා බලා සිටි මාරයා බුදු බවට පත්වන දිනයේ එය වලකා ලීමට විවිධ ආකාරයේ කටයුතු කර ඇති බව පුජාවලියේ දැක්වේ..

අටවිසි බුදුන් වහන්සේලා ගැන ඔබ දැන සිටියාද?? ඒ ගැන දැනගන්න මෙතනින් පුළුවන්...

එදා මුලින්ම මාරයා ඔහුගේ සේනාව රැස් කොට  වසවර්ති ඝෝෂා නම් වු බෙර නාදය පවත්වා ඇත.

එය දිව්‍ය ලෝකය පුරාවටම ඇසී තිබු අතර එය ඇසුනු අය වෙව්ලීමට පත් වු බවද සඳහන් වේ. බෙර නාදය අසා මාරයාගේ සේනාව ඔහුට තව තවත් එකතුවී ඇත. ඉන් කෙල සියයක් යොදුන් උස වු ගිරි මේඛලා නැමැති ඇත් රජකු පිට නැගී ඔහු විසින් හිස් පන්සීයයක්, දහසක් දළ හා දහසක් අත් මවා ගෙන රතු වු ඇස් ඇතිව බුදුන් වහන්සේ වෙත තම සේනාව සමඟ පැමිණියත් බුදුන් වහන්සේගේ තේජසින් ළංවීමට නොහැකි වු විට, ගස් ගල් පෙරලාගෙන යන මහා ප්‍රචන්ඩ සුළඟක් මවා එවීය. ඉන් පසු එම සුළගින් සිද්ධාර්ථ කුමාරයා මොන සක්වලට විසිවී ඇත් දැයි සොයා බැලීය. එහෙත් එම සුළගින් බුදුන් වහන්සේ නොව ඇසතු බෝ රුකද සෙලවීමට මාරයාට නොහැකි විය.

නිරුපද්‍රිතව සිටිනා බුදුන් දැකීමෙන් කෝපයට‍ පත් ඔහු මහා සාගර පතුලටම පළවා හරිමියි සිතා ගෙන මහා වර්ෂාවක් මැව්වත් එයින් බුදුන් වහන්සේගේ සිවුරු කොනක්වත් නොතෙමී තිබුනි. එහෙත් පසු නොබැසි ඔහු මහා පර්වත වර්ෂාවක්, අව් වර්ෂාවක්, අගුරු වර්ෂාවක්,අළු වර්ෂාවක් , වැලි වර්ෂාවක් වැනි නොයෙකුත් වැසි වස්සවා කිසිවක් කල නොහැකි වු තැන තම ඇතු පිට පැමිණ සිය චක්‍රායුධයෙන් පහර දුන් අතර එයත් කල නොහැකි වීමෙන් පැරදී පලා ගියේය...

අවසානයේ බුදුන් වහන්සේ මාරයා පරදා බුදු බව ලබා ගත්තේය.

බුද්ධ චරිතය හා මාර සේනාවේ ක්‍රියා කලාපයන් මේ කෙටි වීඩියොවෙන් දැක ගත හැකිය..

එය උපුටා ගෙන ඇත්තේ Little Buddha  නැමැති චිත්‍රපටියෙනි. ගීතය මධුමාධව අරවින්දයන් ගෙනි.

මෙවැනි මාර දේ කල හැකි මාරයා සක්‍ දෙව් වාගේම සදාකාලික නැති බව පැවසේ ආයුෂ ගෙවී යද්දී චුත වන අතර අලුත් මාරයකු අප සොයා ගෙන පැමිණෙනවා ඇත. මේ මාරයා පරාජය කල හැක්කේ නිවන් දැකීමෙන් පමණී..

එම නිසා අදම පින් දහමට යොමුවිය යුතුය...

තොරතුරු හා ජායාරෑප අන්තර්ජාලයෙන් හා දලදා වරුණ සඟරාවෙන් උපුටා ගන්නා ලදි. මුල් කතෘට උපහාරය ඔබේ දැනුම උදෙසා ඉදිරිපත් කරන ලදි.

අදහසත් ලියලා යන්න අමතක කරන්න එපා.. ‍

ගොන් පොරයට පෙම් බැඳි අයිතිකාරයාගේ “සිහින කාරය - Lamborgini” යේ පැටිකිරිය - Lamborghini – The Story behind the car!

Lamborgini - ලැම්බෝගිනි..

මේ දවස් වල ලංකාව පුරාම කතාව!

ගානත් අඩුයි කියලයි කියන්නේ.. “ඉසව්ව“ ලියන චාමිකයටත් හිතුනා එකක් ගේන්න!

ඒත් ඊට කලින් හිතුනා වාහනයේ පැටිකිරිය ගැන පොඩ්ඩක් හොයලා බලන්න මොකද ගෙනාවට පස්සේ ගෙනියන්නත් බෑනේ!!

Lamborgini - ලැම්බෝගිනියක් ගන්න හිතන් ඉන්න හැමෝටමයි හැමදාම ඉසව්වට එන හැමෝටම වැදගත් වෙන හින්දා මේ Lamborgini - ලැම්බෝගිනියේ ඉතිහාසය ගැන පොඩ්ඩක් බැලුවා..

වෙනදා වගේම පින්තුර තොරතුරු සියල්ල හොයාගත්තේ අන්තර්ජාලයට පින්සිද්ධ වෙන්න..

කියවලා බලලා අදහසක් දීලම යන්න!

1916 අප්‍රේල් මස 28 දින ඉතාලියේ උපත ලද
Ferruccio Lamborgini



දෙවන ලෝක යුද්ධය වෙනුවෙන් 1944-46 කාලයේ ඉතාලි රාජකීය ගුවන් හමුදාවට එක්වු අතර ප්‍රවාහන අංශය වෙනුවෙන රාජකාරී කිරීමට ලැබී තිබුනේ යුද්ධය නොතිබු ප්‍රදේශයකයි. පුංචි ‍කාලේ ඉදලම වාහන එන්ජින් ගැන තිබුන පිස්සුව හින්දම කඳවුරේ තිබු විවිධ කාර් ,යුධ ට්‍රක් රථ මෝටර් සයිකල් ආදිය කැඩුනු කොටස් එකතු කරමින් අනිත් සෙබල පිරිසත් එක්ක එකතුවෙලා අලුත්වැඩියා කිරීම් නිතර කරන්නට වුනා...

යුද්ධයෙන් පස්සේ උතුරු ඉතාලියේ මොඩෙනා නැමති නගරයට ආසන්න තම ගමට පැමිණි ඔහු එහි මෝටර් රථ හා කුඩා ප්‍රමාණයේ කාර් ‍අලුත්වැඩියා කරන කඩයක් දාගන්නා ලදි.

කෘෂිකාර්මික ප්‍රදේශයක් වු එහි ඔහු විසින් විනාශ වු යුධ වාහනයකින් නිපද වු ට්‍රැක්ටරයට ඉහල ප්‍රතිචාරයක් ලැබුනු අතර ඒ නිසාම ඔහුගේම නිෂ්පාදනයක් වන එන්ජිමක් භාවිතා කරමින් ට්‍රැක්ටර නිපද වු අතර මසකට ට්‍රැක්ටර 400ක් අලෙවි කල ඉතා ඉහල ව්‍යාපාරයක් විය.ඔහු ඉතාලියේ කෘෂිකර්ම නිපැයුම් වල විශාලම නිෂ්පාදකයා වුනා.
1960 දී ගොඩනැගිලි සඳහා විදුලි සමීකරණ යන්ත්‍ර නිපද වීමේ කටයුත්තක්ද ඔහු ආරම්භ කරන ලදි.

ඔහු සතුව එකල විවිධ වර්ගයේ සුවපහසු කාර් සතුවු අතර 1958 දී ඔහු මිලදී ගත් Ferrari 250GT රථයේ


සිදුවු අලුත්වැඩියාවක් හරියාකාරව සිදුකර ගත නොහැකි වීමත් සමඟම තමාටම ඔබින කාරයක් වැඩි දියුණු කිරීමේ අශාව වෙනුවෙන් ඔහු V12 නැමැති එන්ජිම සමඟ ඔහුගේම කාරයක් නිපද වීමට අදහස් කල අතර ඒ සඳහා අත්දැකීම් ඇති වාහන චැසි නිර්මාණ ඉංජිනේරුවකු වන Giampaolo Dallara ව සොයා ගන්නා ලදි.

ඉංජිනේරුවකු වු Paolo Sranzani හා පරීක්ෂක රියදුරකු වු Bob Wallace සමග එකතුව ආරම්භ කරන ලදි.

එලෙස ඇරඹුනු Lamborgini කාර් සිහිනය ඔහු සතුව තිබු අශ්ව බල 350 ක බලයක් ඇති එන්ජිම එකතු කරමින් නිපදවු ප්‍රථම නිර්මාණය ලෙස 1963 Turin Auto Show හීදි මුල්ම වරට ඉදිරිපත් කල අතර එය Lamborgini 350 GTV ලෙස නම් කරන ලදි.



එම වර්ගයේ කාර් 120 ක් පමණ වසරකදී සාර්ථකව අලෙවි වු අතර Automobili Lamborgini සමා‍ගමේ අනාගතය දීප්තිමත් වන අයුරු දුටු අතරම ඉන් පසු Lamborgini 400 GT හා

Lamborgini 400 GT 2+2 යන ලෙස දියුණු කරන ලද අතරම Lamborgini ලොව පුරා ජනප්‍රිය වීමේ ආරම්භයද විය.





Automobili Lamborgini සමාගමේ ආරම්භක දිනය ලෙස සදහන් වන්නේ 1963 ඔක්තෝම්බර් 30 වැනිදායි.

Lamborgini වාහනයන්හි තම නම් සලකුන හැමවිටම යොදන්නේ වාහනයේ පිටුපසයි.ඒ ඉංග්‍රීසි වැල් අකුරින්..

එහි නිල සලකුන සටන්වදින ගොනෙකුගේයි.

එය 1962 දී ඔහු උපුටා ගෙන ඇත්තේ ඔහුගේ ලග්නය “වෘෂභ“ වීමත් වගේම ස්පාඤ්ඤ ගොන් පොර වලට ඉතා කැමැත්තක් දැක්වීම නිසා බව සැලකෙනවා..



දන්නවාද??

ඔහුගේ වාහන වලට යෙදු නම් බොහෝමයක්ම ස්පාඤ්ඤ ගොන් පොර සංස්කෘතිය හා බැදුනු ඒවා වීම තවත් විශේෂත්වයක්...

ඔහුගේ දෙවන නිපදවීම ලෙස 1965 නොවැම්බර් වලදී Turin Auto Show හිදී Ferruccio Lamborgini විසින්ම

Lamborgini Miura නම් වු කාරය ප්‍රදර්ශණය කරන ලදි.

එහි Miura යන නම ඔහු යොදා ඇත්තේ එකල ස්පාඤ්ඤ ගොන් පොර ශුරයකු වු Don Eduardo Miura ගේ Miura නැමැති වාසගම යොදමිනි. Don Eduardo Miura ට එය ඉතා ආඩම්බරයක් වී තිබු අතර

(එහි 4 වැනි පරම්පරාවේ නිෂ්පාදනය ඔහු විසින්ම හදුන්වා දෙන ලදි.)


එය එකල ජනප්‍රිය වු Ferari හා Maserati හා සමානවන අයුරින්ම නිපදවා තිබු අතර එහි හැඩය කාගෙත් සිත් ‍ගත්තා..

එය Ferari සමාගමට තද බල පහරක් වුනා... ‍එහි උපරිම වේගය පැ.කි.300 ක් ලෙස සදහන් වුනු අතර “ලොව එකල තිබු සිහින කාරය” ලෙසද බොහෝ දෙනා පිලිගත්තා.

1968 සමාගමට හොද කාලයක් වු අතර එම වසරේදී කාර් 353 බෙදා හැර තිබුනා.

Lamborgini නැවත ලොව හෙල්ලීමක් සිදුකලේ 1973 Geneva මෝටර් රථ ප්‍රදර්ශණයට LP400 Countach නැමැති කාරය හදුන්වා දෙමිනි. එහි ප්‍රථම වතාවට ඉහලට ඇරෙන දොරවල්ද එලදක්වන ලදි.

දකුණු ඇමරිකානු රටවල් ට්‍රැක්ටර් මිලදී ගැනීම 1974 දි නවතා දැමීමට තිරණය කිරීමත් සමග Automobili Lamborgini සමා‍ගමේ කඩා වැටීමක් සිද්ධ වුන අතර සේවකයන්ගේ ප්‍රශ්ණද ඇතිවිනි.
ඒ අතර Lamborgini තම සමාග‍මේ කොටස් Fiat සමාගමට විකුණා දැමීමට තිරණය කරන ලදි. සිදුවු අලාභයන් සමගම 1980 වන විට Mimran Brother’s නැමැති ස්විස්ටර්ලන්ත සමාගමක් විසින් නැවත ආරම්භ කරන ලදි.


ඔවුන් විසින් Countach කාරය LP500 ලෙසින් අලුත්කර හදුන්වා දුන් අතර ඇතිවු මුදල් අර්බුද නිසා සමාගම 1987 දී Chrysler Corporation වෙත විකුණු අතර ඔවුන් ඇ.ඩො.මිලියන 33 කට එය මිලදී ගෙන සමාගමේ නම එලෙසම තබා ගනිමින් හා මනාව කලමණාකරනය කරමින් Countach තව තවත් දියුණු කරමින් 1990 දී Lamborgini Diablo නමින් රථයක් 1990 ජනවාරි 21 දින හදුන්වා දුන්නේ ප්‍රංශයේ මොන්ට කාලෝ හි Hotel de paris හෝටලයේ දි අතර එය එකල තිබු වේගවත්ම කාරය වෙනවා..



එම නිපදවීම නැවත ව්‍යාපාරයේ දියුණුවට හේතු වුවත් හදිසියේම ඉන්දුනීසියානු V’Power Coporation සමාගමකට 1994 දී විකුණා දැමු අතර ඔවුන් විසින් 1998 ජුලි 27 දින ජර්මන් වාහන සමාගමක් වන Volkswagen සමාගමේ කොටස් කාර සමාගමක් වන Audi සමාගමට විකුණා දමන ලදි.

එය සමාගමේ රඳා පැවැත්මට සහයෝගයක් විය.

ඔවුන් 2001 දී Lamborgini Murcielago හදුන්වා දුන් අතර

2003 දී Geneva මෝටර් රථ ප්‍රදර්ශණයේදී Lamborgini Gallardo හෙවත් “ Baby Lamborgini” රථය හදුන්වා දෙන ලදි.එහි කාර් 8022 ක් නිපදවන ලද අතර 2010 ජුනි මස වෙද්දී එහි රථ 10000 වඩා නිපදවමින් මෙතෙක් එම සමාගමේ හොදම නිෂ්පාදනය ලෙස ඉදිරියෙන් සිටී.

2011 මාර්තු මස 01 Geneva මෝටර් රථ ප්‍රදර්ශණයේදී Lamborgini Aventador රථය හදුන්වා දුන් අතර එහි උපරිම වේගය පැ.කි.349 ක් ලෙස සදහන් වේ.



එහි නවතම රථය පසුගිය 12 වැනිදා සිංගප්පුරුවේ දි Lamborgini Aventador LP700-4 Roadster නමින් හදුන්වා දී තිබුනි. එය 2013 දි පැමිණීමට නියමිතයි..



යුරෝපයට සුදුසු වාහනයක මිල යුරෝ 300,000 නැතිනම් ඇ.ඩො.380,000 මිලක් දැනට වෙනවා!

300,000.00 EUR = 49,763,849.67 LKR

380,000.00 USD = 49,323,937.86 LKR

Lamborgini සමාගම ගැන කෙටියෙන් කිව්වාට වඩා තවත් වාහන මේ සමාගම නිපදවලා තියෙනවා... ඒ ගැන වෙන වෙනම විස්තර පින්තුර වේගය ඇතුලු බොහෝ දේ
බලන්න මෙතනින් පුළුවන් හොදද!!

මෙහි ප්‍රධාන කාර්යාලය ඉතාලියේ Sant’Agata Bolognese හි පිහිටා ඇති අතර


2011 වසරේදී එහි සේවකයන් 831 දෙනෙකු විසින් වාහන 1711 නිපදවා ඇත. සමාගම සතුව පැරණි Lamborgini වාහන එකතුවක් සහිත විශාල කෞතුකාගාරයක්ද ඇත.
කාරයේ ඉතිහාසය ගැනයි මේ...

අපේ ගෙවල් හරියේ මේක ගෙනියන්න බෑ වගේ හින්දා මම වැඩේ අත්හැරියා...

අපරාදේ මොනවා කරන්නද!