ලොවම බියවද්දා කප්පම් සොයන සොමාලියානු මුහුදු කොල්ලකරුවෝ..Let’s know the Modern of 'Pirates” !! It is known as 'Pirates of the Somalians '!

මුහුදු කොල්ලකරුවෝ කියපු ගමන්ම මුලින්ම මතක් වෙන පුද්ගලයෙක් ඉන්නවා..
මම හිතන්නේ කාටත් එහේමයි!!
කවුද? ඇත්තටම කවුද?

කැප්ටන් ජැක් ස්පැරෝව නේද?

ඹව්...! පයිරෙට්ස් ඔෆ් දි කැරබියන් (Pirates of the Caribbean) කියන ජනප්‍රිය චිත්‍රපටියේ ප්‍රධාන නළුවා...

එත් අද කියන්න යන්නේ පයිරෙට්ස් ඔෆ් දි සෝමාලියන්..
(Somali Pirates)

එහේමත් නැත්නම් අපිට හොදටම අහල පුරුදු සෝමාලියානු මුහුදු කොල්ලකරුවන් ගැන නොදන්න විදිහේ තොරතුරු ටිකක්...
ඔවුනුත් අර තරමට ලොව පුරා ජනප්‍රිය පිරිසක්..
ඒ කප්පම් ලබා ගැනීම් වලට තමා...

මේ ගැන තොරතුරු හොයලා බලන්න තවත් හේතුවක් වුනේ පසුගිය වසරේ 2011 ශ්‍රී ලංකාවේ මීගමුවෙන් මුහුදු රැකියාවේ ගිය බහු දින ට්‍රෝලර් යාත්‍රාවක් හා එකේ ගිය ශ්‍රී ලංකා ධීවරයන් පිරිසක් පැහැර ගෙන කෝටි 68 ක් වු කප්පම් මුදලක් ඔවුන් වෙනුවෙන් මේ සෝමාලියානු මුහුදු කොල්ලකරුවන් ඉල්ලා සිටීමයි..
ඔබත් බොහෝ විට විවිධ මාධ්‍ය ඔස්සේ මේ ගැන අහන්න දකින්න ඇති...

“මීට කලින් සෝමාලියානු මුහුදු කොල්ලකරුවන්ගේ අත්අඩංගුවට පත් වූන ශ්‍රී ලාංකික නැව් කපිතාන්වරයෙක් ද නිදහස වී නැවතත් මෙරටට පැමිණීමට තරම් වාසනාවන්ත වූයේය. එදා වේල උපයා ගෙන දිවි ගෙවන අසරණ මේ ධීවරයන් හයදෙනාටත් ඒ වාසනාවම උදා වේවා කියලා අපි හැමෝම එක සිතින් ප්‍රාර්ථනය කරමු..“

වසරකට ආසන්න වශයෙන් 22,000 ක් වත් යන එන ඒඩ්න් බොක්ක හරහා ඉන්දියානු සාගරය, රතු මුහුද, අරාබි මුහුද, මධ්‍යධරණීය මුහුද හා සුවස් ඇළ මාර්ගයට කේන්ද්‍ර වන ස්ථානයක් වන මේ ඒඩ්න් බොක්ක ප්‍රදේශයේ සිට දැනට අවුරුදු 20 කට ආසන්න කාලයක සිට මෙම කොල්ලකෑම් කප්පම් ගැනීම් සිදුකර ගෙන යයි..



ඔවුන් මුලින්ම මෙලෙස කල්ලි ගැසී ඇත්තේ අනවසරයෙන් තමන්ගේ මුහුදු සීමාවේ මත්ස්‍ය සම්පත ගෙන යන නැව් හා බෝට්ටුත්, ඒවායින් තම මුහුදු සීමාවට එකතු කරන අපද්‍රව්‍ය දැමීම වැලැක්වීමටත් එරෙහිවයි. පසුව එය ඉතා ලාභදායි ව්‍යාපාරයක් ලෙස දැනීමත් සමඟ සෝමාලියානු වෙරල ප්‍රදේශයේ ජීවත් වන 70% ක පිරිසක් මේ වන විට මෙම කල්ලි වලට එකතුව සිටී..



1990 ආරම්භ වුන ලෙස සැලකෙන මෙම කල්ලි ප්‍රධාන වශයෙන් 05 ක් තියෙනවලු.. සාමාන්‍ය යෙන් අවු. 25-35 පුද්ගලයින් ඉන්න මෙම කල්ලිවල පිරිස 1000- 1500 ක් විතර වෙනවා කියලයි කියන්නේ..


1990 ඉදලා සෝමාලියාවේ හරියාකාරව නොතිබුනු දේශපාලන තත්වයත් දැනටත් රට කොටස් වලට බෙදී තිබීමත් රටේ ආරක්ෂාව සඳහා සිටින හමුදා නිලධාරීනුත් මේ කල්ලිවලට සහයෝගය හා සමාජිකයන් විම සිටිමත් හින්දා මෙය මර්ධනයට ඒ රටටම අපහසු වෙලා..

පසුගිය වසර වල ඔවුන් නැව් හා යාත්‍රා සඳහා එල්ල කල ප්‍රහාරයන්, පැහැර ගැනීම කාලයත් සමඟම විශාල වශයෙන් වැඩිවෙලා.. දන්නවාද?

2007 දි නැව් 50 ක්, 2008 දී නැව් 111ක්, 2009 දි ඔවුන් නැව් 217 කට පහර දීලා නැව් 47 ක්ම පැහැර ගෙන ගිහිල්ලා...

ඒ නැව් නැවත ලබා ගන්න නැව් අයිති ආයතන ඩොලර් මිලියන 60කට වඩා ගෙවලා...
2010 දි නැව් 219 කට ප්‍රහාර එල්ල කරමින් 49 ක්ම පැහැර ගෙන ගිහිල්ලා..
වාර්තා වෙන අන්දමට 2011 මුල් මාස කිහිපයේ විතරක් නැව් 90 කට පහර දීලා 15 ක්ම පැහැර ගෙන ගිහින්..

මේ පහර දීම්, පැහැර ගැනීම් වලට අමතරව ඒවායේ ගමන් කරන පුද්ගලයින් ප්‍රාණ ඇපයට තබා ගෙන ඒ සඳහා කප්පම් ඉල්ලීමත් තවත් එක් මුදල් හොයන ක්‍රමයක්..

2010 වසරේදී මෙවැනි ප්‍රාණ ඇපයට තබාගත් 1090 ක් දෙනා සිට ඇති බව සඳහන් වෙනවා... ඒ නැව් වගේම සාමාන්‍ය යාත්‍රා කොල්ලකෑමෙන්..
2010 දී මෙවැනි යාත්‍රා 4185 කට පහර දී ඇත.

ලොව පුරා නැව් සමාගම්, රටවල් මෙය නැවැත්වීමට උත්සහ ගත්තත් එයට තවත් අපහසුතාවයක් වෙලා තියෙන්නේ ඔවුන් සතුව තියෙන නවීන අවි ආයුධ..

යෙමනය වගේ ම ඔවුන්ගේ අගනුවර වන මොගඩිෂු වලින් ලබා ගන්නා කප්පම් මුදලින් කොටසක් වැයකර අලුත්ම අවි ආයුධ ගන්නා අතරම, කැනඩාවේ වාසය කරන ලක්ෂ 02 ක් පමණ වන සෝමාලියානු ජාතික පිරිසද මේ අවි ආයුධ, උපකරණ ලබා දීමට උදව් කරනවලු...


මේ කොල්ලකරුවන් ළඟ AK 47 , AKM, RPG රොකට් ලොන්චර්, අත් බෝම්බ විදින, රාත්‍රී දුරදක්න ආදියද, දියුනු සන්නිවේදන උපකරණත් තියෙනවා..

කප්පම් මුදල් ලබා ගැනීමට ඔවුන් එක් එක් ක්‍රම භාවිතා කරන අතර ඉන් එක් ක්‍රමයක් වන්නේ, වතුර උඩ පාවෙන ලෙසත්, වතුර කාන්දු නොවන විදිහටත් සැකසු මලු වල මුදල් අසුරා ඒවා තම මුහුදු සීමාවට හෙලිකොප්ටර් යානයක් මගින් දමා යැමට නියෝග කිරීමයි..

සාමාන්‍ය ධීවරයන් හා එකතුව ඒ මැදින් ඔවුන් මේ මුදල් රැගෙන යාම සිදුකරයි.. මේවා හොර මුදල්ද, මුදල් ප්‍රමාණය නිවැරදිද බලන්නත් නවීන මුදල් ගනින යන්ත්‍රත් භාවිත කරන බව පැවසෙනවා..,
එකත් නියම ක්‍රමය නේද?

විවිධ රටවලින් පැමිණි හමුදා සෙබලුන් 3-4 දෙනා බැගින් වු පිරිසක් මෙම මුහුදු සීමාව හරහා ගමන් කරන නැව් වලට ආරක්ෂාව සඳහා ලබා දීම දැන් අලුත්ම ක්‍රමයයි.. එම නැව් ගාලු මුහුදු සීමාව ආසන්නයේදී නවත්වාගෙන සිටිද්දී නවීන ආවි ආයුධ සමඟ වු මෙම පිරිස් බොහෝ විටම ගාල්ල වරායේ වු බොට්ටු වලින් ගෙන ගොස් ඒ නැව් වලට නංවනු ලබයි.


එම රාජකාරි ඉටුකරන ගාල්ල වරායේ
“ දෙව්නුවර එක්ප්‍රස් නැමැති ටැග් බෝට්ටුව“


ඔවුන්ගේ රාජකාරිය කොල්ලකරුවන් සිටින ප්‍රදේශ වලදී නැව් වලට ආරක්ෂාව සපයා ඊට පසු වරායකින් බැස නැවතත් ශ්‍රී ලංකාවට පැමිණීමයි..දින කිහිපයක රාජකාරියක් වෙන මේ සඳහා ඉහල වැටුප් ගෙවන බව පැවසෙනවා...

ප්‍රාණ ඇපකරුවන් බේර ගන්න කරන්නා වු සමහර හමුදා මෙහෙයුම් වලින් මුහුදු කොල්ල කරුවන් යැයි සැක පිට පුද්ගලයින් අත්අඩංගුවට ගත්තත් සාක්ෂි නොමැති නිසා මේ අය බොහෝ විටම නිදහස් වෙනවා...
ඇමරිකානු නාවික හමුදාවේ අත්අඩංගුවට පත් පිරිසක්...


තවත් ආරක්ෂක ක්‍රම වේදයක් විදිහට විවිධ රටවලට අයත් වු ප්‍රහාරක නැව් බොහෝ විටම මේ මුහුදු සීමාවේ සැරි සැරීමට අවසර ලබා දී තියෙනවා.. ජපාන ප්‍රහාරක නෞකා ඒ අතරින් ප්‍රධාන වෙනවා..


මේ කොහෝම වුනත් තාමත් අද වෙන විටත් මේ වැඩේ හොදට නැගලම යනවා..

අද මුළු ලෝකයටම හිසරදයක් වගේම තර්ජනයක් ද වී ඇති සෝමාලියානු මුහුදු කොල්ලකරුවන්ගේ මේ සිද්ධියට හැම රටක්ම වගේ භය වෙලා...

ඔවුන් පැහැර ගත් නැව් වල විස්තර මෙතනින් බලන්න..

මේකත් ලස්සන කාටුන් එකක් !

නැව් කපිතාන් කියනවා‍‍....

'Yes, sir.
Somali pirates - we stopped them,
we gave them food and water,
also Our ship

මුහුදු කොල්ලකරුවකු වෙන එකෙත් පොඩි ගතියක් තියෙනවා වගේ නේද??

වෙනදා වගේම තොරතුරු, ජයාරෑප සොයාගත්තේ අන්තර්ජාලයෙන්... කියවලා බලපු අය අදහසක් එහේම දාලාම යන්න හොදද!

නිදහස්‌ සටනේ නියමුවකු වු ගාල්ලේ හෙන්රි පේද්‍රිස්‌ ගැනයි මේ...The National hero Edward Henry Pedris!!

2012 පෙබරවාරි 04 වැනිදා ...

මේ ශ්‍රී ලංකාවේ 64 වන නිදහස් දිනයයි...

ඉතින් මටත් හිතුනා ඒ ගැන ගැලපෙන විස්තරයක්

“ඉසව්ව පැත්තට” කාටත් දැන ගන්නත් එක්කම දාන්න...

ඒ ගාල්ලේ ඉපදුනු නිර්භිත කොල්ලෙක් ගැන..

ගාල්ලට යන එන බොහෝ දෙනා වගේම ගාල්ල නගරය හරහා යන එන ඕනම කෙනෙක් ගාල්ල ප්‍රධාන තැපැල් කාර්යාලය ඉස්සරහා තියෙන මේ අශ්වයා පිටේ ඉන්න පුද්ගලයා දැකලා ඇති අනන්තවත්...


මොකද ගාල්ල - මාතර ප්‍රධාන පාරෙම තියෙන හින්දා !!

ඇත්තටම අශ්වයෙක් පිට ඉන්න මේ පුද්ගලයා කවුද..??

මේ විස්තරය ඔහු ගැනයි එනම් ජාතික නිදහස්‌ සටනේ නියමුවෙක් වුන ගාල්ලේ ඉපදුන එඩ්වඩ් හෙන්රි පේද්‍රිස්‌ ගැනයි..

විස්තර සහ ජයාරෑප කිහිපයක් ..අන්තර්ජාලයෙන් හා පොත පතින්..
සමහරක් ජායාරෑප මම ගත්තපුවා!!

ගාල්ලේ දන්ගෙදර “පේද්‍රිස් විලා” මැඳුරේ 1888 අගෝස්තු 16 වැනිදා ඩී. ඩී. පේද්‍රිස්මහතා හා මල්ලිකා ප්‍රනාන්දු මහත්මියට දාව උපන් එඩ්වඩ් හෙන්රි පේද්‍රිස්‌ ට තවත් සොහොයුරියන් හත‍රදෙනෙකු විය.
( “පේද්‍රිස් විලා”- මෙම නිවස දැන් දන්ගෙදර හන්දියෙන් බද්දේගම පාරේ “ ප්‍රින්ට් හවුස් ආයතනයට “ වම්පසින් පාරේ වම් පැත්තේ ඇති විශාල වත්ත තුල පිහිටා ඇත.)

දරුවන්ගේ අධ්‍යාපන කටයුතුත්,තම ව්‍යාපාරික කටයුතු වඩාත් දියුණු කර ගැනීමට කොළඹ පදිංචියටපැමිණි ඩී. ඩී. පේද්‍රිස්මහතා කොළඹ ටර්ටි පාරේ “විමල් විලා” නම් සුවිසල් දෙමහල් නිවසක පදිංචි වුනා.. එකල ළමා වියේ සිටි හෙන්රි කොළඹ ඇකඩමිය,දෙහිවල ශාන්ත තෝමස්‌ විද්‍යාලයෙන් හා රාජකීය විද්‍යාලයෙන් මූලික අධ්‍යාපනය ලබාගත්තා..

එකල ඔහුගේ පියා සතුව තිබු ධන බලය ගැන නොසලකමින්, අධ්‍යාපනය අවසාන කල හෙන්රි ඉංග්‍රීසීන්ගේ නගර ආරක්ෂක හමුදාවට ස්‍වේච්ජා ‍සේවකයකු ලෙස ඇතුලත් වුනා එකල එය (Town Guard) නම් තනතුරක් වුනා.. කෙටිකලකින්ම දක්ෂතා මගින් කපිතාන් තනතුරට පත් වුයේ ඔහු රුහුණු පුත්‍රයකු ලෙස තම උපන් හපන්කම් පෙන්නුවා..

ඊට බැදුනු ප්‍රථම සිංහලයාද හෙන්රි පේද්‍රිස්‌ විය.

වරක ඔහු ගේ හීලෑ අශ්වයා වු “ලාලි “ ගේ පිට නැඟී වැල්ලවත්ත පාලම පසුකරමින් යන තේජාන්විත පෙනුමකින් යුතු තරුණ හෙන්රිට ඉදිරියට ‘සුදු පාලකයකු’ නැඟී පැමිනෙන මෝටර් රථයක් මුහුණට මුහුණලා හමු විය.

’ඒයි! නුඹේ ඔය අස්පයා පස්සට ගනින් වහාම’ රියෙහි කවුළුවෙන් එබී බැලූ සුදු පාලකයා තරුණ අශ්වාරෝහකයාට හයියෙන් කෑ ගසා විධානය කළේ ය. සුදු පාලකයා දෙස විනිවිද යන බැල්මක් හෙලූ හෙන්රි, ‘මගේ අශ්වයා මම අඩියක් පස්සට ගන්නේ නැහැ නුඹේ රිය පස්සට ගනින්’ යැයි උස්හඩින්ම පිළිතුරු දුන්නේ ය.

”මම කවුද කියල නුඹ හොඳින් දන්නවා නේද? වහා ම පස්සට පලයන්”

සුදු පාලකයා යළිත් හඬ නැඟී ය.

”මා නුඹ ව ඉතා හොඳට දන්නවා. නුඹ පස්සට යා යුතු මිස මගේ අශ්වයා පස්සට ගන්නේ නැහැ. පාලම් හදද්දි පළලින් යුක්තව හදන්නට නුඹලාගේ සුදු ආණ්ඩුව වගබලා ගන්න ඕන...”

සුදු පාලකයා තම රිය පසුපසට ගත්තේ ය.
අශ්වාරෝහකයා පවනට බඳු වේගයකින් ඔහු පසුකර යන්නට ගියේය. ඔහු යන දෙස බලා සිටි සුදු පාලකයා කෝපය නිම් හිම් නැතිවිය.

1915 මැයි 28 වැනි වෙසක් පුර පසළොස්වක දා මහනුවර පැවැති බොදු බැති ගී පෙරහරට කාසල් වීදියේ මුස්ලිම් පල්ලිය අසල දී පළමුව හූ හඩින් ද දෙවනුව ගල්මුල් ප්‍රහාරයෙන් ද බාධා එල්ල කෙරිණි. මේවා සිදුවූයේ ජාතීන් අතර බේද ඇතිකොට පහසුවෙන් ආණ්ඩු කිරීමේ අභිලාෂය මුදුන්පමුණුවා ගැනීමේ යටි අදහසිනි. ඉංග්‍රීසින් විසින් ම දියත්කළ මේ ආගමික ගැටුම් පිළිබඳ ව ඔවුන් බ්‍රිතාන්‍යයට වාර්තා කරනු ලැබුවේ වෙනත් ආකාරයකිනි. එනම් සුදු ආණ්ඩුව පෙරළා දැමීමට සිංහල ජාතිය විසින් සිදුකරන දුෂ්ට කැරළිකාරකම් ලෙස ය. සිංහලයෝ සුදු ජාතීනට එරෙහිව වීදි බැස්සාහ. මින් බියට පත් වූ පාලකයා වු එවකට ආණ්ඩුකාර රොබට් චාර්ම්ස්, මාර්ෂල් ලෝ (හමුදා යුද නීතිය) රටපුරා පැනවූහ. එනම්, කැරලිකරුවන් දුටු දුටු තැන මරා දැමීමය.

ඒ 1915 ජූනි මස 2 දාය.

මේ අතර පිටකොටුවේ මුස්ලිම් කඩසාප්පු ගිනි සිළු දැල්වීමටත් තරම් වු අතර එහිවූ මුස්ලිම් කඩසාප්පුවලට පහර දී වෙඩි තබා කිසියම් ගැටුමක් සිදු වී තිබිණි.

එවේලෙහි එම ස්ථානයේ රාජකාරි කටයුතු කල හෙන්රි පේද්‍රිස්‌ සිංහල මිනිසුන්ට මුස්ලිම් කඩසාප්පු කොල්ල කෑමට ඉඩ දුන්නේ යැයි එම නිසා බ්‍රිතාන්‍ය මහ රජතුමාට විරුද්ධව යුද්ධය මෙහෙය විමට සහය වුවාය යන අභූත චෝදනාව යටතේ පේදිරිස්ට නඩු පවරනු ලැබුවේ යුද නීතිය මඟිනි. සුද්දන් ඔහුට දුන් නිලතරු පදක්කම් සියල්ල ආපසු ගත්තේ ය.

මුස්ලිම් මිනිසුන් මරා දේපළ කොල්ල කෑමට ඉඩ සැලැසුවේ ය. යන සාපරාධී චෝදනාව යටතේ අභීත තරුණ සෙන්පති “එඩ්වඩ් හෙන්රි පේදිරිස්” ජුලි මස 01 වනදා සිර භාරයට ගන්නා ලද්දේ ඔහුගේ නිර්දෝෂි බව පුන පුනා පවසද්දී ය.
සිර භාරයට ගත් හෙන්රි දින 03ක් වැනි කෙටි කලක දී යුද්ධාධිකරණය මඟින් නඩු අසා ඔහුට ජුලි 08 වැනිදා උදෑසන 8.00 වෙඩි තබා මැරීමට නියම කෙළේ
එතෙක් සුද්දන්ගේ සිතේ නැෙඟමින් තිබූ පළිගැනීමේ නරුම චේතනාව මුදුන් පත් වෙද්දී ය.

ඉන් පලක් නුවූ තැන තම පුතු නිදහස් කරගැනීමට ශෝකයට පත් පියා පුතුගේ බරට තුන් ගුණයකට වැඩි රත්තරන් රාත්තල් 1000ක් පමණ දෙන බවට සහතික වී පුතු නිදහස් කරන්නැයි කළ ඉල්ලීම ද පලක් නොවීය.මහජන අප්‍රසාදය වීදි බැස ඇවිලිණි. ඉන් කලබලයට පත් පාලකයෝ ජූලි මස 8 දිනට නියමව තිබූ මරණ දඬුවම 7 දින එනම් පෙර දින පෙරවරු 8ට නියම කරමින් ඉක්මන් කළහ.පෙ.ව 8.00 වෙද්දි එම ආසනයට පැමිණි ඔහුට වෙඩි තැබිමට පෙර ඇස්‌ බැඳීමට සැරසෙන විට
"මගේ දැස්‌ බඳින්නේ කුමටද, නුඹ මට වෙඩි තබන හැටි බලන්න මම කැමතියි" යෑයි කෑගසා කීවේය.
නීතිය ක්‍රියාත්මක කළයුතු නිසා තම සාක්‌කුවෙන්ම ලේන්සුව ගෙන ඇස්‌ බැඳගත්තේය. "මම සූදානම්" යෑයි කීය. ක්‍ෂණයකින් අණ නිකුත් විය. වැලිකඩ සිරගෙදර දෙවනත් කරමින් එම වෙඩි හඩ පැතිරුණි.
මිය යන විට ඔහුගේ වයස අවු.28 කි..
ඔහු වෙනුවේන් නිකුත් කල මුද්දරයක්

කොළඹ හැව්ලොක්‌ ටවුමේ ඉසිපතානාරාම විහාරය ඔහුගේ මරණයෙන් පසු ඔහුගේ දෙමව්පියන් විසින් හදා පූජා කළේ තම පුතාගේ වියෝගය දරාගත නොහැකිවයි. ඒ අසලම වු හැව්ලොක් පිටිය ඔහුට ගරු කිරීමක්‌ ලෙස හෙන්රි පේද්‍රිස් ක්‍රීඩාංගණය ලෙස 1970 දි ශ්‍රීමත් රණසිංහ ප්‍රේමදාස මහතා විසින් නම් කොට නවීකරණය කොට විවෘත කරන ලදි..

ගාල්ල දංගෙදර “සරන්තු‍කඩේ හන්දිය සිට බෙලිගහ හන්දිය “ දක්වා මාවත ඔහුගේ නමින් හෙන්රි ප්‍රේද්‍රිස් මාවත ලෙස නම් කොට තිබුනත් දැන් එහි ඇත්තේ දංගෙදර මාවත ලෙස වු මාර්ග නමයි..


ගාල්ල ප්‍රධාන තැපැල් මුලස්ථානය ඉදිරියේ වු අනුස්මරණ පිලිරුව එකල ජනපති ශ්‍රීමත් රණසිංහ ප්‍රේමදාස මහතා විසින්
1992 මැයි මස 09 වෙනිදා විවෘත කරන ලද්දකි.

එඩ්වඩ් හෙන්රි පේද්‍රිස්‌ තරුණ වීරවරයාගේ සිය ජීවිතය මව්බිමේ උරුමය වෙනුවෙන් පරිත්‍යාග කොට 2012 ජුලි මස 07 වැනිදාට වසර 97 ක්‌ සපිරෙයි.